Ծնվել է 1956 թ.-ին: Սամվել Բաղդասարյանը այն ինքնատիպ արվեստագետներից է, որը կայացած է կերպարվեստի տարբեր ճյուղերում: Խեցեգործությանը զուգընթաց զբաղվում է տպագրական արվեստով, գեղանկարչությամբ, քանդակագործությամբ, ձևավորել է հեռուստատեսային ներկայացումներ, համագործակցել Օպերայի և Բալետի Պետական Թատրոնի հետ ("Նորմա" օպերա,): Համագործակցել է մի շարք համադրողների հետ ժամանակակից արվեստի դաշտում (Հայկական Պավիլիոն XLVI Վենետիկի Բիենալե, 1995թվ., Իտալիա, Կասսելի "Դոկումենտա X" 1998թվ., Գերմանիա,1980-1995թվ.-ների Հայկական ժամանակակից Արվեստ, Հայկական Մշակույթի օրերը Մոսկվայում,1995թվ., Ռուսաստան, Գյումրիի Միջազգային Բիենալեներ, 1998, 2000, 2002, 2004, 2006 թվ.-ներ, Հայաստան,"Adieu Parajanov" 2004 թվ., Ավստրիա, Լոնդոնյան Ժամանակակից Արվեստի Հավաք,1998թվ.,Անգլիաև և այլն):
Ստեղծագործությանը զուգահեռ շուրջ 30 տարի է, ինչ Սամվել Բաղդասարյանը զբաղված է երեխաների և երիտասարդների գեղագիտական դաստիարակությամբ և գեղարվեստական կրթությամբ: Երկար տարիների իր մանկավարժական գործունեության ընթացքում կազմակերպել երիտասարդ նկարիչների մասնակցությունը բազմաթիվ հանրապետական և միջազգային ցուցահանդեսների, աշխատանքային սեմինարների, ֆորումների (Երևանի Ժամանակակից Արվեստի Թանգարան, "Ցիրկուլյար 5" աշխատանքային սեմինար, 1995թվ., "Շարժման մեջ" Ավստրիա, 2005թվ., Գյումրիի Միջազգային Բիենալեներ,1998թվ., 2006թվ., և այլն):
Ուսումնա-ստեղծագործական կյանքին զուգընթաց ստեղծվել են նաև հնարավորություններ համագործակցելու "Berlin Furdern Durch Spieimittel-Spielzeug Fur Behinderte Kinder" և "World Vision Armenia" հասարակական կազմակերպությունների հետ, որոնց արդյունքում առաջացել են համատեղ միջոցառումներ կապված արատավոր երեխաների ֆիզիկական վերականգնման հետ, ստեղծվել են բուժող խաղալիքների նախատիպեր և փորձարկվել արատավոր երեխաների համար ստեղծված հատուկ ինստիտուցիաներում (Աշխատանքային սեմինարներ Գերմանիայում, 1997թվ., Լիսսոնեում,1999թվ., Հայաստանում, 2005թվ.):
Սամվել Բաղդասարյանի ստեղծագործությունները գտնվում են արտերկրի և Հանրապետության մասնավոր ֆոնդերում, հավաքածուներում, թանգարաներում: