Բժշկական ֆակուլտետը կադրեր է պատրաստում հետևյալ մասնագիտություններով
1. Բուժական գործ
2. Ստոմատոլոգիա
3. Դեղագիտություն
4. Բնապահպանություն և բնօգտագործում (Էկոլոգիա)
Բժշկական ֆակուլտետը ստեղծվել է "Հայբուսակ" համալսարանի հիմնադրման պահից 1990թ.-ին ակադեմիկոս Լևոն Հարությունյանի նախաձեռնությամբ: 2014-2015 ուսումնական տարուց բժշկական ֆակուլտետում գործում է բնապահպանություն և բնօգտագործում մասնագիտությունը: Ներկայում ֆակուլտետը բոլոր մասնագիտությունների գծով իրականացնում է ուսուցում, ինչպես բակալավրի այնպես էլ մագիստրոսի կրթական ծրագրերով:
"Բուժական գործ" մասնագիտության ուսման տևողությունը բակալավրիատում կազմում է 5 տարի, մագիստրատուրայում` 2 տարի: Ուսման վարձը կազմում է 450.000 դրամ:
"Ստոմատոլոգիա" մասնագիտության ուսման տևողությունը բակալավրիատում 4 տարի է, մագիստրատուրայում` 2 տարի: Ուսման վարձը կազմում է 450.000 դրամ
"Դեղագիտության" մասնագիտության ուսման տևողությունը կազում է 4 տարի, մագիստրատուրայում` 2 տարի: Ուսման վարձը կազմում է 450.000 դրամ:
"Բնապահպանություն և բնօգտագործում (Էկոլոգիա)" առկա ուսման տևողությունը բակալավրիատում կազմում է 4 տարի, մագիստրատուրայում` 2 տարի: Ուսման վարձը կազմում է 450.000 դրամ:
"Հայբուսակ" համալսարանի բժշկական ֆակուլտետը միակն է Հայաստանի Հանրապետությունում, որի բոլոր մասնագիտությունները լիցենզավորված և հավատարմագրված են պետության կողմից:
Շրջանավարտները ստանում են պետական դիպլոմ:
Ֆակուլտետում դասավանդում են հանրապետության բժշկական ասպարեզի լավագույն մասնագետները: Ուսումնական գործընթացում ներգրաված են նաև առաջատար մասնագետներ մի շարք արտասահմանյան երկրներից` Գերմանիայից, ԱՄՆ-ից, Ռուսաստանի Դաշնությունից, Ֆրանսիայից, Չեխիայից, Իսպանիայից, Լիբանանից,Իրաքից, Իրանից,Իտալիայից:
Բժշկական ֆակուլտետի կլինիկական ամբիոնները տեղակայված են Երևան քաղաքի լավագույն բժշկական կլինիկական կենտրոններում, ստոմատոլոգիական կլինիկաններում, գիտահետազոտական ինստիտուտներում, դեղագործական ձեռնարկություններում, որտեղ կազմակերպվում է կլինիկական մասնագիտական դասընթացների դասավանդումը (դասախոսություններ, գործնական պարապմունքներ և ուսումնաարտադրական պրակտիկաներ) և իրենց առաջին մասնագիտական քայլերն է կատարում բարձր կուրսերի ուսանողների մեծ մասը:
"Բուժական գործ", "Ստոմատոլոգիա" և "Դեղագիտության" մասնագիտությունների բակալավրիատի շրջանավարտները զբաղվում են գիտահետազոտական, դասախոսական, կազմակերպչական, գործունեությամբ բժշկագիտության, դեղագիտության տեսական ուղղություններով Հայաստանում և արտերկրում: Նրանք շարունակում են իրենց կրթությունը մագիստրոսի կրթական ծրագրով` "Հայբուսակ", Մ. Հերացու անվան Երևանի պետական բժշկական և մի շարք արտասահմանյան համալսարաններում:
Մագիստրատուրայի շրջանավարտները անցնում են աշխատանքի ըստ մասնագիտության, շարունակում են կրթությունը կլինիկական օրդինատուրայում և ասպիրանտուրայում: Լավագույն շրջանավարտները անցնում են աշխատանքի համալսարանի բժշկական կլինիկական և տեսական ամբիոններում:
Ֆակուլտետի գործունեության շուրջ 25 տարիների ընթացքում նրա շրջանավարտները մեծ հեղինակություն են վայելում Հայաստանի Հանրապետությունում և արտերկրում: Նրանք մեծ հաջողություններ են արձանագրել պրակտիկ բժշկության, ստոմատոլոգիայի և դեղագիտության ասպարեզներում:
Բժշկական ֆակուլտետի 2016-2017 ուսումնական տարվա բակալավրի կրթական ծրագրի առկա ուսուցման ընդունելության քննությունները ըստ մասնագիտությունների`
Բուժական գործ`* մրցութային` ֆիզիկա (գրավոր), քիմիա (գրավոր), կենսաբանություն (գրավոր), ոչ մրցութային` հայոց լեզու և գրականություն (գրավոր)**
Ստոմատոլոգիա`* մրցութային` ֆիզիկա (գրավոր), քիմիա (գրավոր), կենսաբանություն (գրավոր), ոչ մրցութային` հայոց լեզու և գրականություն (գրավոր)**
Դեղագիտություն`* մրցութային` ֆիզիկա (գրավոր), քիմիա (գրավոր), կենսաբանություն (գրավոր), ոչ մրցութային` հայոց լեզու և գրականություն (գրավոր)**
Բնապահպանություն և բնօգտագործում` մրցութային` կենսաբանություն (գրավոր), ֆիզիկա (գրավոր) կամ քիմիա (գրավոր), ոչ մրցութային ` հայոց լեզու և գրականություն (գրավոր)**
*-դիմորդներին իրավունք է վերապահվում իրենց ընտրությամբ հանձնել նշված երեք քննություններից երկուսը:
**-Նշված ոչ մրցութային քննության գնահատականը փոխանցվում է միջնակարգ կրթության ատեստատից կամ համապատասխան ավարտական փաստաթղթից:
Ֆակուլտետի դեկան, Ռ.Դ. բժշկատեխնիկական ակադեմիայի թղթակից անդամ` Մարինոսյան Յանինա
